БРПА

Піянерскі сцяг - сімвал гонару і згуртаванасці членаў арганізацыі, вернасці яе лепшым традыцыям, ідэалам дабра і справядлівасці.

Піянерскі гальштук - сімвал датычнасці кожнага піянера да спраў сваёй арганізацыі, гатоўнасці падзяліць яе добрую славу і адказнасць.

Піянерскі гальштук, таксама як і сцяг, чырвонага колеру. Уздоўж правага боку на гальштуку нашываюцца па чарзе тры каляровыя канты (зялёны, сіні, белы), якія адпавядаюць тром рангам (даследчык, выпрабавальнік, лідэр) і вызначаюць узрост і дасягненні члена арганізацыі.

Сцяг БРПА - чырвонага колеру. Гэта знак павагі да шматгадовай традыцыі піянераў, сімвал іх жыццялюбства і энергічнасці. На сцягу намаляваны эмблема і дэвіз БРПА "Да спраў на карысць Радзімы, да дабра і справядлівасці будзь гатовы!"

Піянерскі значок, ці эмблема БРПА – адметны знак арганізацыі. Эмблема ўяўляе сабой тры мовы полымя, якія зліліся ў адну, як сімвал адзінства, раўнапраўя, узаемадапамогі і павагі ў арганізацыі дзяцей, падлеткаў і дарослых. Падстава полымя - белы квадрат з залацістымі літарамі. Белае поле і полымя сімвалізуюць адкрытасць і чысціню намераў і імкненняў арганізацыі.

Салют - асаблівае піянерскае прывітанне: пяць пальцаў правай рукі, шчыльна сціснутыя, паднімаюцца над галавой.

Салют - гэта жэст-знак і ён азначае: пяць пальцаў правай рукі - "я, як і мае сябры", адкрытая далонь - "адкрыты і сумленны ў сваіх справах", паднятая рука - "і імкнуся стаць лепш".

Салют аддаюць у асабліва значных і ўрачыстых выпадках: адказваючы на піянерскі заклік, вітаючы піянерскія сцягі, пры ўздыме Дзяржаўнага флага Рэспублікі Беларусь, пры ўручэнні сімвалаў або знакаў адрознення БРПА, або ўзнагарод.

Беларуская рэспубліканская піянерская арганізацыя адзначае наступныя святы:

19 мая – Дзень піянерскай дружбы

У гэты дзень у 1922 годзе Усерасійская канферэнцыя РКСМ прыняла рашэнне аб распаўсюджванні вопыту работы першых піянерскіх атрадаў па ўсёй краіне.

20 чэрвеня - Свята піянерскага вогнішча

У гэты дзень 1922 г. адбыўся першы збор першага піянерскага атрада ў Беларусі.

13 верасня - Дзень БРПА

У гэты дзень у 1990 годзе Х Рэспубліканскі злёт піянераў прыняў рашэнне аб самастойнасці Беларускай рэспубліканскай піянерскай арганізацыі, як суб'екта Саюза піянерскіх арганізацый - Федэрацыі дзіцячых арганізацый (СПО-ОДА).

Святы адзначаюць піянерскія дружыны, раённыя, абласныя рады БРПА, ЦС БРПА зборамі, злётамі, шэсцямі, лінейкамі, сустрэчамі з ветэранамі піянерскага руху.

Традыцыі БРПА – гэта знак павагі да гістарычных дат дзяржавы і датычнасці сяброў арганізацыі да жыцця сваёй краіны.

Член БРПА мае права:

• звяртацца да атрада, да дружыны, органаў самакіравання арганізацыі па дапамогу ў абароне сваіх інтарэсаў, чалавечай годнасці, у рэалізацыі патрэбнасцей;
• выказваць і адстойваць сваё меркаванне па любых пытаннях дзейнасці піянерскай арганізацыі;
• атрымліваць любую інфармацыю аб дзейнасці піянерскай арганізацыі і яе кіруючых органаў;
• абіраць і быць абраным ва ўсе органы самакіравання арганізацыі. Старшынёй Цэнтральнага, абласнога, гарадскога, раённага Савета БРПА і старшынёй кантрольна-рэвізійнай камісіі БРПА могуць быць выбраны толькі паўналетнія члены арганізацыі;
• член БРПА мае права быць членам іншых дзіцячых арганізацый, калі мэты гэтых арганізацый не супярэчаць Статуту БРПА.

Члены арганізацыі абавязаны:

• выконваць статут БРПА;
• выплачваць устаноўленыя ўступныя ўзносы;
• не здзяйсняць дзеянняў, якія наносяць арганізацыі матэрыяльную шкоду і прычыняюць шкоду яе рэпутацыі;
• пастаянна працаваць у адной з піянерскіх арганізацый, Саветаў арганізацыі, выконваць рашэнні кіруючых і кантрольна-рэвізійных органаў БРПА.

Скачаць узор заявы

План работы піянерскай дружыны імя Марата Казея Шчорсаўскай сярэдняй школы на 2024/2025 навучальны год

Марат Казей - подзвіг юнага піянера