Свята ўраджаю ў дзіцячым садзе
27.10.2022Восень - час яркіх фарбаў, шолаху лісця і збору ўраджаю. Восень - час творчасці, бо сама прырода натхняе нас, дорачы велізарны выбар натуральных матэрыялаў для вырабаў сваімі рукамі.
Залатая пара года надарыла нас багатым ураджаем садавіны і агародніны. На працягу апошняга тыдня месяца кастрычніка ў дзіцячым садку дзейнічала выстава творчых работ "Восеньскія фантазіі".
27 кастрычніка прайшло вясёлае, маляўнічае мерапрыемства - "Свята ўраджаю". Станоўчы настрой на працягу мерапрыемства дарыла прыгажуня "Восень". Дзеці з задавальненнем гулялі ў гульні, танцавалі, спявалі песні, адгадвалі загадкі.
Вынік дадзенага мерапрыемства - звонкі смех і радасць у вачах дзяцей.